皇马喺西甲连赢6场，上仗欧联又以2比0净胜国米，教练「肥安」文章摘自华体网安察洛堤为防线注入纪律性，大大提升稳健程度；「双中坚」埃达米列达奥同阿拉巴完全取代已离队嘅沙治奥拉莫斯同华拉尼，「中场3宝」莫迪历、卡斯米路同却奥斯愈踢愈醒神。不过皇马今仗进攻方面略有隐忧，于西甲射手榜领先嘅宾施马将会因伤缺阵，冇咗呢位法国国脚压阵，「银河舰队」攻力势必下降。但用另一角度去睇，既然皇马即使打和失两分，亦唔会对争标路造成太大影响，预计今场唔会勉强抢攻，以免被马体会有机可乘，导致喺今场打吡战冇分落袋咁失威。
肥安施蒙尼防守大斗法
马体会周中欧联作客波图火药味十足，两队合共有3人被逐，最终马体会力战赢3比1，出线16强。马体会球员搏晒命后上晋级，耗力甚大，加上射手苏亚雷斯受伤今仗缺阵，攻力再打折扣，作客巴拿贝球场绝对唔易踢，预计佢哋会先巩固防线，避免同皇马硬碰。况且马体会教练施蒙尼一向系防守专家，近5次对皇马都好少入波，5场总入球全开2球或以下，今仗追入球细系明智之选。