英超攻略：宾福特残阵半场和啱数

周六凌晨英超独脚戏有「福特」大战，由宾福特主场迎战「大黄蜂」屈福特。今季新昇班嘅宾福特依家排13位，表面算係理想成绩，但近况其实极差兼极残阵；作客嘅屈福特亦唔好得几多，3连败后士气低落，两队同样处于低谷，今场好大机会先踢稳阵波，半场和值得一博。

　　「大黄蜂」近况走晒样

　　宾福特开季凭充满斗志嘅体力化踢法，一人走多步拎到唔错成绩，不过呢股「士气波」难以长时间维持，实力不足嘅弱点好快暴露，而且喺门将大卫拉耶等主力受伤后立即冧档，近8场联赛只得1胜，今场仲有王牌前锋艾云东尼因日前确诊新冠肺炎缺阵，残阵下肯定会踢得保守。

　　屈福特自聘请云尼亚里执教后，虽然试过4比1大胜曼联，但近3场联赛输晒兼合共失咗9球，仲有伊斯美拿沙亚等攻击重心受伤倦勤。翻查两队更多分析浏览华体网过去3次联赛交手，3场都係开半场和，今场可以再追。