毕尔包今季开咧后13仗联赛,竟然有7场打和,係今季暂时和波最多嘅西甲球队之一,踢法上佢哋仍然保持一贯硬朗球风,只係失咗8粒,係暂时失波最少嘅西甲球队,防守固若金汤。但相对而言,佢哋嘅进攻能力就黯然失色,至今仅攻入11球,阵中首席射手伊拿基威廉斯入得3粒咁大把,老将鲁尔加西亚亦脚头无灵,单计近4仗联赛,呢支「巴斯克雄狮」录得3和1负未赢过,总入球全开2球或以下,明显守强攻弱,今场有主场之利亦未必够赢。
作客例打守势波
另一边厢,于下游挣扎嘅格兰纳达,近5仗联赛取得1胜2和2负,表现未至太差,不过上仗对皇马惨败1比4之余,仲有主力防中蒙祖领红牌被逐,今仗要坐波监,加上要客场出击,一定会先做好防守。查实格兰纳达作客例必打守势波,开咧后7仗客场联赛,只係入过5粒,单计近5仗客场联赛,亦有4次总入球开2球或以下,为抢分护级更加唔敢轻举妄动,细盘稳开。