鲁尔占美尼斯系「拖肥」克星
狼队上季一度跌入降班漩涡，季尾连赢几场保住英超席位。今季狼队有墨西哥前锋鲁尔占美尼斯复出，前线侵略性大增，虽然未必经常转化成入波，但可以间接减少球队后防嘅压力，球队9战只失9球，系联赛失球最少球队。虽然佢哋上季遭爱华顿「双杀」，不过当时鲁尔占美尼斯都缺阵，数番再之前两季4次交手，呢名墨西哥射手都有波入，绝对系「太妃糖」克星。
爱华顿近况飘忽，好彩巴西射手李察利臣重拾状态，佢最近5次正选斗狼队，合共射入5球，喺卡维特利云缺阵下，今场宾尼迪斯要靠佢同迪马雷格雷攻坚，相信爱华顿会同狼队斗攻抢分，捧入球大啱数。
