今晚同听晚嘅附加赛次回合，就确定最后6席分组赛由边队夺得，其中燕豪芬就喺主场同宾菲加决战。贵为上季荷甲亚军嘅燕豪芬，一向崇尚踢进攻足球，佢哋上季34场联赛轰入74球，平均每场入超过2球，火力相当得人惊。
燕豪芬踢欧洲赛踢法一样咁进取，今届欧联由第2圈外围赛踢起，其中两场主场都拎到大胜，包括以5比1击败土耳其劲旅加拉塔沙雷，以及赢米迪兰特3比0，今场返主场随时又会出现大比数赛果。事实上，即使燕豪芬首回合作客1比2不敌宾菲加，但佢哋全场有多达11次射门，比宾菲加仲要多1次，而且当中有5次攻门命中目标，进攻效率一流，今场背水一战，预料攻势会更加旺盛，有利制造更多入球。
至于上季葡超季军宾菲加，今季卷土重来表现神勇，开季后6场正式赛事全部赢晒，而且每场都攻入对手两球，加上乌克兰前锋耶梅卓克、葡萄牙中场祖奥马里奥同拉法施华都系进攻能手，无惧同燕豪芬斗攻，2.5球嘅大盘走唔甩。
