主帅倒戈摸清底细
现年57岁嘅保达拉斯之前执教基达菲5年，带领球队由西乙升上西甲，甚至为呢支二线球队攞过欧洲赛入场券。不过，基达菲上季成绩差劣，仅仅护级成功，保达拉斯亦被迫下台，转投华伦西亚。换言之，基达菲现有班底都係由保达拉斯一手建立，对方有几多斤両，佢自然一清二楚，今场交锋，主场出击嘅华伦西亚无疑佔得先机。
另一边厢，基达菲请来皇马名宿米高执教，佢曾于2009至2011年教过基达菲，当时球队只能喺护级区挣扎。米高其后担过任西维尔、奥林比亚高斯、马赛、马拉加、墨西哥球队普马斯教练。虽然米高曾经带领奥林比亚高斯捧过希腊联赛冠军，但其余执教成绩都欠佳，实在令人怀疑佢能否令新季阵容变化不大嘅基达菲翻生，捧华伦西亚主胜为妙。
